«Усё пачалося з паставак байрактараў, а цяпер запушчана іх вытворчасць ужо ва Украіне», — расказаў кіраўнік Офіса прэзідэнта Украіны Андрэй Ермак у інтэрв'ю focus.ua.
«Мы пашыраем наша супрацоўніцтва з Турцыяй. Усё пачалося з паставак байрактараў, а цяпер запушчана іх вытворчасць ужо ва Украіне. Калі кажуць, што гэта турэцкія байрактары, — так, мы іх атрымалі з Турцыі, але важна адзначыць, што рухавікі для гэтых беспілотнікаў вырабляюцца ў нашай краіне» — расказаў ён.
«Байрактар» — гэта баявы разведвальна-ўдарны беспілотны комплекс турэцкай вытворчасці. Прызначаны для назірання за тэрыторыяй праціўніка з паветра і аператыўнага выяўлення і падаўлення цэляў. Ён абсталяваны кіраванымі ракетамі і авіяцыйнымі бомбамі. Баявы дрон абсталяваны некалькімі камерамі, сучасным праграмным забеспячэннем і можа без пасадкі знаходзіцца ў паветры больш за суткі.
Узброеныя «Байрактарамі» азербайджанскія войскі разграмілі армянскія ў Нагорным Карабаху. Армяне мелі на ўзбраенні расійскую тэхніку і не мелі сучасных беспілотнікаў.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты24
Каментары