Вядучы бізнэс-аналітык EPAM не выйшаў пасля сутак. Яго вінавацяць у беспарадках
Супрацоўнік EPAM Дзяніс Насура не выйшаў на волю пасля адміністрацыйнага арышту. На яго заведзеная крымінальная справа, паведамляе dev.by.
Пра гэта dev.by стала вядома ад знаёмых Дзяніса. Пасля затрымання 9 снежня яго асудзілі на 13 дзён паводле арт 19.11 ч.2 КаАП (распаўсюджванне інфармацыйнай прадукцыі, уключанай у спіс экстрэмісцкіх матэрыялаў). Бізнэс-аналітык адбыў іх у ЦІП на Акрэсціна.
Але пасля 13 сутак Насуру затрымалі яшчэ на 10 сутак па падазрэнні ў здзяйсненні крымінальнага злачынства.
Перад самым Новым годам Дзянісу прад'явілі абвінавачванне па ч. 1 арт. 342 КК РБ (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх), мера ўтрымання — арышт на два месяцы.
З 31 снежня ён знаходзіцца ў СІЗА №1 на Валадарцы.
Неўзабаве пасля затрымання Дзяніса Насуры ў праўладных тэлеграм-каналах з'явілася відэа, у якім айцішнік распавядае, што ў жніўні 2020 года браў удзел у пратэстах і быў падпісаны на тэлеграм-каналы, прызнаныя экстрэмісцкімі.
У Дзяніса Насуры чацвёра дзяцей, з іх трое — непаўналетнія.
Таццяна Зарэцкая больш не эстонская стартаперка. Цяпер яна спрабуе стаць пасярэдніцай інвестараў у Саудаўскай Аравіі26
Каментары