За 24 гадзіны каранавірусам у свеце заразіліся амаль 3,4 мільёна чалавек, а памерлі 7,7 тысячы.
За мінулыя суткі каранавірусам заразіліся 3 395 785 чалавек — гэта максімум з пачатку пандэміі, сведчаць звесткі Сусветнай арганізацыі аховы здароўя (СААЗ).
Памерлі ад кавіду за 24 гадзіны 7 735 чалавек. Агульная колькасць захварэлых перавысіла 312 мільёнаў, усяго з пачатку пандэміі ахвярамі захворвання сталі больш за 5,5 млн чалавек.
На першым месцы па сутачнай колькасці інфікаваных — ЗША (1 399 136). За імі ідуць:
— Францыя (338 858);
— Італія (220 519);
— Індыя (194720);
— Вялікабрытанія (115 280).
12 студзеня СААЗ паведаміла аб рэкорднай колькасці інфікаваных за тыдзень — больш за 15 млн, памёр 43 461 чалавек.
Эксперты арганізацыі прагназуюць, што наступныя тры месяцы будуць вельмі цяжкія, а цягам некалькіх тыдняў інфікуецца больш за палову еўрапейцаў;
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку14
Каментары