У Маладзечне мужчына збіў двух чалавек — і атрымаў тры месяцы арышту
Інцыдэнт адбыўся 23 ліпеня раніцай на АЗС на вуліцы Міра.
Мужчына мае непагашаную судзімасць за злоснае хуліганства, не жанаты, не працуе. На запраўцы спачатку нанёс рукой удар па галаве аднаму прыяцелю, затым ударыў другога, зламаўшы яму каронку пярэдняга зуба верхняй сківіцы, паведамляе «Маладзечанская газета».
У судзе мужчына цалкам прызнаў сваю віну і раскаяўся. Аднак ён сцвярджаў, што напярэдадні піў толькі піва і п'яным сябе не адчуваў.
Пацярпелы, якому зламалі зуб, заявіў кампенсацыю маральнай шкоды ў 1 000 рублёў, а таксама аб спагнанні 2 760 рублёў за кошт кампенсацыі матэрыяльнай шкоды.
Суд задаволіў маральны іск на 1 000 рублёў.
Чыстасардэчнае раскаянне абвінавачанага змякчыла яго адказнасць, паведамляе выданне. Справа разглядалася па другой частцы артыкула 339 КК «Хуліганства, здзейсненае паўторна», што караецца арыштам або абмежаваннем волі на тэрмін да трох гадоў, або пазбаўленнем волі на тэрмін ад аднаго года да шасці гадоў.
У выніку хулігану далі тры месяцы арышту.
Цяпер чытаюць
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»22
Каментары