Хрэнін запэўніў міністра абароны Украіны, што Беларусь не будзе «ініцыятарам напружанасці ў рэгіёне»
Сёння па ініцыятыве ўкраінскага боку адбылася тэлефонная размова міністра абароны Беларусі Віктара Хрэніна з міністрам абароны Украіны Аляксеем Рэзнікавым. Бакі абмеркавалі пытанні супрацоўніцтва ў ваеннай сферы, «болевыя кропкі», а таксама канкрэтныя крокі па ўмацаванні атмасферы даверу і бяспекі ў рэгіёне, паведамляе прэс-служба Мінабароны.
Падчас размовы Віктар Хрэнін адзначыў, што народ Украіны быў і будзе для Беларусі брацкім народам. Беларусь не з'яўляецца ініцыятарам напружанасці ў адносінах Беларусі і Украіны.
Аляксей Рэзнікаў выступіў за аднаўленне супрацоўніцтва паміж дзвюма краінамі, а таксама актывізацыю супрацоўніцтва па пытаннях бяспекі і ўзаемнага даверу.
У заключэнне размовы Віктар Хрэнін таксама падкрэсліў, што Аляксандр Лукашэнка неаднаразова заяўляў: «Важная задача — не страціць брацкі народ Украіны. Усё папраўна — эканоміка, тавараабарот, дыпламатычныя адносіны. Духоўная сувязь нашых народаў не павінна даць расколіну. І мы не можам дапусціць разрыву брацкіх сувязяў паміж народамі».
Міністры абмеркавалі правядзенне мерапрыемстваў падрыхтоўкі Узброеных сіл. І выказалі ўпэўненасць, што мерапрыемствы не нясуць пагроз бяспекі брацкім краінам.
Кіраўнікі ваенных ведамстваў пазначылі канкрэтныя крокі па мерапрыемствах павышэння транспарэнтнасці і ўзаемнага даверу.
Гутарка адбылася для аднаўлення атмасферы дыялогу, зніжэння градуса публічных праяў і забеспячэння бяспекі ў рэгіёне, паведамляе прэс-служба Мінабароны.
Чытайце таксама:
Лукашэнка пра вывад расійскіх войскаў пасля вучэнняў: «Гэта наша з Пуціным справа»
Цяпер чытаюць
18‑гадовы былы палітвязень расказаў, што ён сваяк Ціханоўскай. Яго затрымалі, калі ён ехаў ваяваць за Украіну2
Каментары