Мінлясгас прапануе беларусам дапамагчы прыбраць завалы пасля ўрагану. Плаціць абяцае дровамі са зніжкай
Міністэрства лясной гаспадаркі прапанавала беларусам забяспечыць сябе дровамі, дапамагаючы лясгасам у навядзенні парадку. Пра гэта гаворыцца ў паведамленні прэс-службы Мінлясгаса.
Паведамляецца, што ў студзені ў Беларусі з-за непагадзі пацярпела больш за 19 тысяч гектараў лесу. Зараз на пашкоджаных участках неабходна прыбраць захламленасць. Прычым рабіць гэта могуць і звычайныя грамадзяне.
Тым, хто гатовы ў гэтым дапамагчы, трэба звярнуцца з пісьмовай заявай у лясніцтва, а ў ёй пазначыць пажаданую колькасць драўніны. За яе давядзецца заплаціць, але кошт будзе разлічвацца як за драўніну на корані.
Затым лясніцтва выдасць ордэр на нарыхтоўку дроў і пакажа канкрэтны ўчастак лесу для нарыхтоўкі. Пасля абмеру неабходна звярнуцца да лясной аховы і падпісаць дакументы. Пасля таго дровы можна будзе забраць.
Нагадаем, што перад сёлетнім ацяпляльным сезонам беларусы, якія карыстаюцца дровамі для ацяплення, мелі з забеспячэннем імі вялікія праблемы. На іх былі і высокія цэны, і дровы доўга не выпісвалі і не дастаўлялі.
Чытайце таксама:
Цэны на драўніну зноў завоблачныя. Новы скок
«Летась плацілі 150 рублёў, а цяпер — 360, ды яшчэ і чарга». Лес дае рэкордны прыбытак, а простыя беларусы не могуць набыць сабе дровы
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары