Міністр абароны Украіны Аляксей Рэзнікаў агучыў сцэнарый расійскай агрэсіі. Ён заявіў, што ўзровень пагрозы высокі.
«Сярод іншых мы разглядалі сцэнарый, што РФ паспрабуе літаральна акружыць войскамі: ад Брэста да Таганрога, па сушы, на двух морах і ў часова акупаваным Крыме. І абазначыць актыўнасць у Прыднястроўі. Таксама чакалася, што РФ на фоне гэтага справакуе абвастрэнне на ўсходзе Украіны», — цытуе словы міністра «РБК-Украіна».
Міністр дадаў, што ўсё гэта будзе суправаджацца іншымі сродкамі ціску: кібератакамі, мініраваннямі цывільных аб'ектаў, спробамі зладзіць беспарадкі.
«Мэта гэтых дзеянняў — расхістаць Украіну знутры, каб мы змянілі палітычны курс і адмовіліся ад ЕС і NATO, а ўрэшце страцілі незалежнасць. Цяпер гэты сцэнарый спрабуюць увасобіць», — паведаміў ён.
Паводле яго слоў, ля межаў Украіны падраздзяленні РФ налічваюць 127 тысяч чалавек на зямлі, а з марскім і авіяцыйным кампанентамі — 147 тысяч.
«Мы не бачым адводу і не гаворым аб памяншэнні колькасці (вайскоўцаў). Тыя часткі, якія цяпер у руху, могуць вярнуць у папярэднія месцы або перакінуць на іншы ўчастак», — паведаміў Аляксей Рэзнікаў.
-
Прэм'ер Літвы: Санкцыі супраць Расіі і Беларусі павінны быць хаця б рэгіянальнымі, нацыянальныя без толку
-
Гламурны космас. Джэф Безас адпраўляе сёння ў космас сваю нявесту і яшчэ пяць жанчын
-
Кыргызстан уручыў ноту пратэсту расійскаму паслу пасля аблавы і жорсткага збіцця сваіх грамадзян у маскоўскай лазні
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым6
Каментары