Памятаеце ўкраінскую дзяўчынку, якой маці напісала імя на спіне? Яны выратаваліся
Адзін з вобразаў гэтай гэтай вайны, што ўрэзаўся ў памяць, — маленькая дзяўчынка, у якой на спіне асадкай былі напісаныя яе імя, дата нараджэння і тэлефоны бацькоў. Веры Макавій два гады. Маці дзяўчынкі вельмі баялася згубіць яе ці загінуць сама ў першыя дні вайны.
Найгоршага ёй удалося пазбегнуць. «Бі-бі-сі» знайшла Сашу Макавій з дачкой Верай на поўдні Францыі. 33-гадовая жанчына распавяла аб перажытым ёй моманце адчаю. Вірусны здымак яна размясціла ў «Instagram», ужо калі дабралася да Францыі.
Па словах жанчыны, цяпер яна сама псіхалагічна раздушаная і да гэтага часу не акрыяла ад доўгай дарогі праз Малдову і Румынію. Але яны «акружаныя любоўю і клопатам», а дзіця ні аб чым не падазрае.
«З Верай усё добра. Яна занадта маленькая, каб зразумець, што адбываецца. Яна нешта адчувае ад мяне, але сама занадта маленькая, каб зразумець. Я вельмі рада, што ў яе такі ўзрост. Вельмі рада» — сказала мама дзяўчынкі.
Цяпер чытаюць
Выхадцы з «Альфа» КДБ Беларусі займаюць кіраўнічыя пасады ў новым расійскім суперсакрэтным спецпадраздзяленні, прызначаным для забойстваў за мяжою27
Каментары