Лукашэнка: Я не кажу, што мы заўтра ўдарым «Арэшнікам» па Вільні, Варшаве або Кіеве
Лукашэнка падчас наведвання Дрыбінскага раёна пракаментаваў журналістам заявы Украіны пра тое, што ракетны комплекс «Арэшнік», разгорнуты на тэрыторыі Беларусі, НАТА павінна лічыць законнай цэллю, піша БелТА.
«Гэта нават не інфанагода. Гэта самае сапраўднае глупства, і дурні пра гэта кажуць. Я не кажу, што мы заўтра ўдарым гэтым «Арэшнікам» па Вільні, Варшаве або Кіеве. Барані Бог. Гэта не наша задача. Нам трэба абараніць сваю краіну. А каб не ўдарыў «Арэшнік», вы да нас не лезьце. Ні з Украіны, ні з Польшчы, ні з Літвы, ні з Латвіі. Давайце па-чалавечы вырашаць пытанні», — сказаў ён.
«Няхай лічаць законнай цэллю. Яны ж абураліся, плакалі, цяпер прыціхлі — што я лічу законнай цэллю для Узброеных Сіл Беларусі. Не пагражаю. Каб яны зноў гэта не вырвалі з кантэксту і не пачалі», — адзначыў Аляксандр Лукашэнка. — «Вы што, думаеце, калі яны будуць лічыць законнай цэллю аб’екты на тэрыторыі Беларусі, я буду спаць і назіраць? 70 км магу, 200 км. У нас ёсць чым дастаць. Таму я б ім параіў не бразгаць языком і не вякаць. Лічаць «Арэшнік» законнай цэллю — калі ласка».
Ён таксама звярнуў увагу, што «Арэшнік» — гэта мабільная зброя.
«Дзясятак ілжывых цэляў. Гэта значыць выйдзе на маршрут 10 машын. Зверху паглядзелі — дзесяць «Арэшнікаў». А ён будзе адзін. Таму на любую атруту заўсёды знойдзецца супрацьяддзе», — заявіў Лукашэнка.
Цяпер чытаюць
«Дагэтуль задаюся пытаннем, чым Пратасевіч мяне зачараваў». Вялікае інтэрв'ю Соф'і Сапегі — частка другая4
Каментары
Интервью Валета Шкловского Соловьиному Помёту