Дэмакратычныя актывісты Гомельскай вобласці маюць намер адмовіцца ад удзелу ў прэзідэнцкай кампаніі ў выпадку адсутнасці адзінага кандыдата ад Аб’яднаных дэмсіл (АДС). Пра гэта гаворыцца ў заяве абласное каардынацыйнае рады АДС.
Як растлумачыў БелаПАН старшыня абласной арганізацыі Аб’яднанай грамадзянскай партыі Васіль Палякоў, фармат удзелу дэмакратычных сіл у прэзідэнцкай кампаніі з некалькімі кандыдатамі «будзе спрыяць перавыбранню Аляксандра Лукашэнкі на чацвёрты тэрмін і кансервацыі аўтарытарызму на няпэўны час». «Дамагчыся перамогі можна толькі пры ўмове адзінства дзеянняў усіх дэмакратычных арганізацый і пры наяўнасці адзінага кандыдата ў прэзідэнты ад аб’яднанай апазіцыі», — перакананы суразмоўца.
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі 250 палітвязняў12
Каментары