Еўрапарламент рэкамендаваў даць Украіне статус кандыдата на ўступленне ў ЕС
Еўрадэпутаты мяркуюць, што Еўрасаюз павінен даць Украіне статус кандыдата на сяброўства ў ЕС, а таксама забяспечыць патрэбы краіны ў зброі. Як паведамляе Deutsche Welle, адпаведная рэзалюцыя па знешняй, палітыкі бяспекі і абароны ЕС на фоне агрэсіўнай вайны Расіі супраць Украіны была прынятая на пленарным пасяджэнні Еўрапейскага парламента 8 чэрвеня.
Яе падтрымалі 438 еўрадэпутатаў, 65 выказаліся супраць, яшчэ 94 — устрымаліся. Таму Еўрапарламент рэкамендаваў Радзе ЕС пагадзіцца, што «Версальская дэкларацыя прызнае еўрапейскія памкненні Украіны і яе заяўку на сяброўства ў ЕС, а таксама надаць ёй статус кандыдата ў ЕС, як выразны палітычны сігнал салідарнасці з народам Украіны».
«Гаворка ідзе пра дэкларацыі нефармальнага саміту ЕС у Версалі, якая, праўда, была вельмі асцярожнай у фармулёўках і прызнала толькі еўрапейскія памкненні Украіны і дадавала, што краіна належыць да еўрапейскай сям'і», — адзначае выданне.
Акрамя таго, еўрадэпутаты рэкамендавалі «без прамаруджанняў» даць Украіне зброю ў адпаведнасці з патрэбамі, выказанымі ўкраінскімі ўладамі, а таксама заклікалі стварэнне спецыяльнага трыбунала ААН для расследавання расійскіх злачынстваў.
Каментары