Французскія жанчыны — вядомы аўтарытэт у пытаннях прыгажосці. Паглядзіце на тое, як яны даглядаюць сваю скуру, і вы знойдзеце ў гэтым шмат цікавага. Прапануем вам тры хітрасці з іх практыкі ўмывання, якія варта ўзяць на ўзбраенне.
Памылкі падчас умывання — настолькі распаўсюджаная з’ява, што кіраўнікі касметычнай маркі Cerave нават вырашылі зрабіць даследаванне на гэтую тэму. У ім прынялі ўдзел 5 тысяч рэспандэнтаў з 11 краін. Вынік наступны: толькі 44% рэспандэнтаў правільна ачышчаюць скуру, піша onet.pl.
Самыя распаўсюджаныя памылкі — няправільны парадак ачышчэння твару ці няправільны падбор касметыкі, а таксама звычка ўмывацца занадта часта ці занадта рэдка. Таму варта павучыцца ў францужанак, як рабіць гэта правільна.
Перш чым мыць твар, вымыйце рукі
Так робяць 73% францужанак, і гэта правільна, бо такім чынам можна прадухіліць перадачу бактэрый, што выклікаюць скураныя інфекцыі і акнэ. Эксперты раяць спачатку намыліць рукі і добра прамыць іх вадой — гэты працэс зойме ў вас недзе 20 секунд. Толькі пасля гэтага можна пераходзіць да ўмывання твару.
Моцныя скрабы — не найлепшы выбар для ўмывання
Францужанкі стараюцца не карыстацца скрабамі з моцным абразіўным эфектам. Бо калі скуру моцна адлушчваць, гэта робіць яе больш схільнай да раздражнення, пачырванення і занадта вялікай выпрацоўкі скуранога тлушчу. У дадатак, пры ўжыванні моцных пілінгаў злушчваецца занадта вялікая частка рагавога слоя скуры.
Правільна падбірайце касметыку
Пры ачышчэнні скуры выкарыстоўвайце належную касметыку — тую, што мае збалансаваны паказчык pH (кіслотна-шчолачны баланс). Францужанкі робяць выбар на карысць міцэлярнай вады, і не проста так гэты сродак шырока выкарыстоўваецца ў парыжскіх салонах прыгажосці.
Любоў да міцэляркі звязаная з тым, што гэты сродак ачышчае скуру мякка, але эфектыўна. Міцэлярная вада прыцягвае бруд, бактэрыі і рэшткі макіяжу, але пры гэтым не абязводжвае скуру.
Як лепей абараніць сябе ад сонца?
Кажуць, што францужанкі не таўсцеюць. Вось сакрэты іх дыеты
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку14
Каментары