У новым відэазвароце прэзідэнт Украіны Уладзімір Зяленскі звярнуўся да беларусаў.
«Хачу звярнуцца да грамадзян Беларусі: і цывільных, і ў пагонах. Вас уцягваюць у вайну. І нават актыўней, чым гэта было ў лютым і ў веснавыя месяцы. У Крамлі за вас ужо ўсё вырашылі, вашы жыцці для іх нічога не каштуюць.
Але вы не рабы і не гарматнае мяса. Вы не павінны паміраць. І вы ў сілах не даць нікому вырашаць за вас, што вас чакае далей», — сказаў Зяленскі ў новым відэазвароце.
«Я ведаю, што народ Беларусі падтрымлівае Украіну, яны падтрымліваюць нас — дакладна нас, а не вайну. І менавіта таму вас усіх расійскае кіраўніцтва хоча ўцягнуць у вайну, хоча пасеяць нянавісць паміж намі, — дадаў Зяленскі. —
Ад простых людзей Беларусі цяпер залежыць вельмі шмат. І я ведаю, што вы можаце не ўдзельнічаць у гэтай вайне. Вашы жыцці належаць толькі вам, а не камусьці ў Крамлі».
Цяпер чытаюць
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў3
Музыка, маляванне і танцы ў школах і гімназіях — усё? Што вядома пра скарачэнні настаўнікаў-эстэтыстаў
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары