Лідары G7 па выніках саміту: Мы будзем аказваць Украіне дапамогу столькі, колькі патрэбна
Лідары краін «Вялікай сямёркі» па выніках саміту ў Германіі абвясцілі, што гатовыя аказваць Украіне фінансавую, гуманітарную, вайсковую і дыпламатычную падтрымку столькі, колькі будзе патрэбна. Пра гэта гаворыцца ў іх сумеснай заяве, піша «Еўрапейская праўда».
«Мы імкнёмся дапамагаць Украіне падтрымліваць свой суверэнітэт і тэрытарыяльную цэласнасць, абараняць сябе і выбіраць уласную будучыню. Украіна павінна вырашаць адносна будучага мірнага ўрэгулявання, вольнага ад знешняга ціску ці ўплыву», — гаворыцца ў заяве.
Лідары падкрэслілі, што краіны G7 працягнуць каардынаваць намаганні для задавальнення надзённых патрэб Украіны ў вайсковай і абароннай тэхніцы.
«Мы таксама працягнем аказваць Украіне матэрыяльную, вучэбную і матэрыяльна-тэхнічную, выведвальную і эканамічную падтрымку для развіцця яе узброеных сілаў», — гаворыцца ў заяве.
Адзначаецца, што Украіну працягнуць падтрымліваць у абароне яе сетак ад кіберінцыдэнтаў і ў сферах энергетычнай бяспекі ядзерных матэрыялаў і аб'ектаў, экалогіі і водакарыстання.
«З мэтай устойлівага пасляваеннага мірнага ўрэгулявання мы гатовыя дасягнуць дамоўленасцяў разам з зацікаўленымі краінамі і ўстановамі і Украінай адносна ўстойлівых абавязальніцтваў у сферы бяспекі, каб дапамагчы Украіне абараніць сябе, забяспечыць яе свабодную і дэмакратычную будучыню і стрымліваць будучую расійскую агрэсію», — гаворыцца ў заяве.
У саміце G7 прыняў удзел прэзідэнт Уладзімір Зяленскі, які ў відэазвароце падзякаваў за ўжо аказаную падтрымку і расказаў пра крокі, якіх чакае ў будучыні.
Герой Беларусі Марына Васілеўская нарадзіла дачку ад касманаўта Алега Навіцкага16
Каментары