«А Лукашэнка становіцца ваенным злачынцам». Вельмі кароткі сцэнар уступлення беларускіх войскаў у вайну
Магчымы ўдзел беларускага войска ў вайне з Украінай — адна з самых актуальных сёння тэм. Яе разабралі Руслан Левіеў, член каманды расследавальнікаў Conflict Intelligence Team, і журналіст Майкл Накі.
Руслан Левіеў кажа, што ацэнкі яго каманды з нагоды ўдзелу беларускай арміі ў вайне не змяніліся. Яны па-ранейшаму ўпэўненыя, што Беларусь не будзе ўступаць у ваенны канфлікт, «таму што ў іх вельмі нешматлікая армія, адмыслова не падрыхтаваная для такіх дзеянняў».
— Нават калі яны ўступяць у вайну, дапусцім, набяруць, свае 8 батальённа-тактычных груп і пойдуць, напрыклад, на кіеўскі кірунак, мы лічым, што іх даволі хутка разграмяць. Можа, яны паваююць трохі, штосьці захопяць, але іх хутка разграмяць. І на гэтым будзе ўсё.
На думку Левіева, на гэтым уся карысць ад Беларусі і скончыцца. І таму Расіі лепш выкарыстоўваць Беларусь так, як яна і выкарыстоўвае яе цяпер: тэрыторыю і інфраструктуру, а таксама тое, што Беларусь «пастаянна двухсэнсоўна пагражае і Захаду, і Украіне», робячы выгляд, што рыхтуецца да вайны, каб украінскі бок часткова адцягваўся і на гэты кірунак.
— Як у Расіі няма сіл адкрываць новыя напрамкі, так у Беларусі ад пачатку няма гэтых сіл, каб ваяваць з такім супернікам, як Украіна, — лічыць Левіеў.
— Пры гэтым палітычна ўступаючы ў вайну сваімі войскамі, Беларусь становіцца часткай канфлікту, Беларусь бярэ на сябе ўсе тыя санкцыі, якія ёсць. Ну а Лукашэнка становіцца ваенным злачынцам, чый лёс, як правіла, менш зайздросны, чым нават проста ў палітычных дыктатараў, — дадае Майкл Накі.
-
Статкевіч: Для Беларусі можа стварыцца такая сітуацыя, што ўсе дзяржавы вакол нас будуць мець ядзерную зброю
-
Стаўка большая, чым жыццё: што азначае ліст Зяленскага Пуціну
-
Палітвязень Кім Самусенка параўнаў свет на моманты яго пасадкі і вызвалення: Усё нядрэнна для еўрапейскай цывілізацыі, а значыць, і для беларусаў
Хто забараняе ў Беларусі кнігі — вось гэтыя 22 чалавекі33
Каментары