Расія прыгразіла Балгарыі разрывам дыпламатычных адносін, калі яна не адмовіцца ад высылкі расійскіх дыпламатаў
Амбасадарка Расіі ў Балгарыі Элеанора Мітрафанава заявіла, што Масква разглядае магчымасць разрыву дыпламатычных адносін з Сафіяй у выпадку, калі балгары не адменяць рашэнне аб высылцы 70 работнікаў расійскіх дыпламатычных прадстаўніцтваў. Пра гэта Мітрафанава заявіла ў чацвер у эфіры балгарскага тэлеканала BNT, паведамляе «Еўрапейская праўда».
Адказваючы на пытанне, якім будзе адказ Расіі на высылку дыпламатаў, Мітрафанава сказала: «Масква прыме вельмі кардынальныя крокі. Гэта (высылка) не можа прайсці незаўважаным». На ўдакладненне, пра што ідзе гаворка, Мітрафанава заявіла: «Дыпламатычныя адносіны могуць быць разарваныя! Масква прыме рашэнне».
Акрамя таго, балгарскія СМІ ў чацвер паведамілі, што Расія накіравала Балгарыі ноту з патрабаваннем адмяніць рашэнне аб высылцы расійскіх дыпляматаў па падазрэнні ў шпіянажы. Пазней існаванне такога звароту пацвердзіў і МЗС Балгарыі.
У ноце сцвярджаецца, што рашэнне павінна быць перагледжана да паўдня 1 ліпеня, інакш «перад расійскім кіраўніцтвам будзе неадкладна узнятае пытанне аб закрыцці пасольства Расійскай Федэрацыі ў Рэспубліцы Балгарыя».
МЗС Балгарыі перадаў ноту канцылярыі прэм'ера і чакае далейшых дзеянняў.
Чытайце таксама:
Балгарыя высылае адразу 70 супрацоўнікаў расійскага пасольства. Іх падазраюць у шпіянажы
Цяпер чытаюць
Хто забараняе ў Беларусі кнігі — вось гэтыя 22 чалавекі33
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары