У «Ладэ» арыштаваныя рахункі, могуць плаціць толькі падаткі і заробкі
Як стала вядома «Нашай Ніве», працягваюцца бязрадасныя прыгоды медыцынскага бізнэсу «Ладэ». Неўзабаве пасля таго, як цэнтру дазволілі работу, рахункі аказаліся заблакаваныя ДФРам. У дадатак, у цэнтр прыйшла праверка камітэта па працы Мінгарвыканкама.
Пра такі стан рэчаў «Нашай Ніве» паведамілі некалькі крыніц.
Заснавальнік «Ладэ» Уладзімір Гарбачоў не стаў каментаваць гэтую інфармацыю.
Накат на медцэнтр з боку лукашэнкаўцаў адбыўся ў маі. Удзельнікі рынку звязвалі гэта з тым, што «дайшла чарга» за праяўленую ў жніўні 2020-га пазіцыю — тады цэнтр аказваў бясплатную дапамогу пацярпелым ад зверстваў.
Чытайце таксама: «Ладэ» кашмараць за 2020-ы. Выхаваўчы рэкет, выставілі штраф
Міністр аховы здароўя Дзмітрый Піневіч пералічваў смешныя факты, якія паслужылі прычынай прыпынення ліцэнзіі: «невыкананне пратаколаў падчас аказання неадкладнай меддапамогі — гэта работа на абсталяванні, якое не зарэгістраванае або якое не прайшло неабходныя рэгламенты. Выяўленыя парушэнні санэпідрэжыму, якія могуць пацягнуць сур'ёзныя ўскладненні або пагрозу жыццю», — казаў Піневіч.
Работнікі медыцынскай сферы ў каментары «Нашай Нівы» кпілі з Піневіча: «Калі ў «Ладэ» выяўлены «парушэнні санэпідрэжыму», то, каб быць паслядоўным, Піневічу трэба закрыць і ўсе без выключэння дзяржаўныя паліклінікі».
Пасля наезду ўласнік шукаў, каму прадаць медыцынскі цэнтр, але не знайшоў купца ў Беларусі. З выстаўленым штрафам мільён рублёў, мяркуючы па ўсім, разлічыліся, але за шырмай застаюцца невядомыя дагэтуль дэталі гісторыі, якія паслужылі прычынай блакавання рахункаў.
Галоўнае наступства блакавання — немагчымасць для бенефецыяра выводзіць прыбытак. Выплачваць заробкі і падаткі — магчыма.
Цяпер чытаюць
Беларускі кладаўшчык са свастыкай на плячы лячыўся ад алкагалізму ў Сібіры і пайшоў ваяваць за Расію, а застаўся без выплат і працы9
Каментары