Рэцэпт на выхадныя. Кексы з малінамі і белым шакаладам — новы смак летняга дэсерту
Паспрабуйце гэты рэцэпт, пакуль ёсць свежыя маліны. Зрэшты, для іх можна браць і замарожаныя маліны.
Фота: BBC Food
Каб згатаваць кексы з малінамі і белым шакаладам, вам спатрэбіцца:
- 300 грамаў мукі,
- 225 грамаў цукру,
- паўтары чайныя лыжкі соды,
- дробка солі,
- 100 мілілітраў малака,
- 100 мілілітраў смятаны,
- 3 яйкі (трэба іх узбіць),
- 5 сталовых лыжак алею,
- 1 чайная лыжка ванільнага экстракту (ці 15 грамаў ванільнага цукру),
- 150 грамаў малін,
- 100 грамаў дробна пасечанага белага шакаладу.
- Разагрэйце духоўку да 190 градусаў. Падрыхтуйце формы для 12 кексаў: прамажце маслам усе заглыбленні або выкладзіце ў заглыбленні паперу для выпякання.
- Прасейце ў вялікую міску муку, цукар, харчовую соду і соль, перамяшайце ўсё.
- Узбівайце разам малако, смятану, яйкі, алей і ваніль, пакуль яны добра не перамяшаюцца.
- Уліце сумесь з малака і яек у сухія інгрэдыенты і перамяшайце вялікай металічнай лыжкай ці шпаталем. Дадайце маліны і шакалад і змешвайце да аднароднасці, але не даўжэй.
- Лыжкай выкладзіце сумесь у формы для кексаў. Выпякайце каля 25 хвілін або пакуль кексы добра не падымуцца і не стануць залаціста-карычневымі.
- Перакладзіце кексы на рашотку, каб астудзіць іх. Лепей за ўсё есці кексы ў дзень выпякання.
Рэцэпт на выхадныя. Персікавы коблер — традыцыйны амерыканскі дэсерт
Беларускія баршчы. Усё пра іх
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»3
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Вайб-праграмаванне зменіць ролю распрацоўшчыка, RLVR, і калі лопне бурбалка. Беларус-інжынер у галіне ШІ, які працуе ў ЗША, расказаў, што нас чакае ў 202633
Каментары
чаго вы пытаецеся ў нас?