«Не дадаюць канструктыву адказы прадстаўнікоў Офіса ў стылі «сам дурны»
«Нічога не зможа зрабіць КДБ і ФСБ, калі Офіс Святланы Ціханоўскай пачне канструктыўна рэагаваць на нармальную крытыку (ці няма нармальнай?) ад Латушкі, Пракоп'ева, Андрэя Павука, Сяргея Бульбы і г.д.», — піша чытач «Нашай Нівы», які падпісаўся N.
«Наладзіць знешнюю (публічную!) камунікацыю з апанентамі з ліку палітсаюзнікаў на пастаяннай аснове ў жывым дыялогу / культурнай дыскусіі, — заклікае чытач. — Канферэнцыя Новай Беларусі — гэта можа быць толькі запознены старт, але не апошняя кропка.
Бо не могуць усе пытанні вырашыцца за некалькі гадзін пры сотнях удзельнікаў.
Не дадаюць канструктыву адказы прадстаўнікоў Офіса ў стылі «сам дурны» (Пракоп'еў, маўляў, за два гады ўсяго толькі ўзвод сфармаваў, а ўжо на армію квапіцца — Кавалеўскі на «Свабодзе»), «мы працуем, нам не да разборак, у адрозненне ад…», «крытыка ў асноўным беспадстаўная»(Франак на «Свабодзе»), «няма кадраў пашыраць каманду», «меры бяспекі» і т.д.
Нібыта меры бяспекі не дазвалялі за два гады наладзіць нармальны публічны дыялог наконт шляхоў выйсця з выпраўленнем праблем адваротнай сувязі.
Зноў заўчора Франак узгадаў чат-бот і таемныя сазвоны Ціханоўскай з актывістамі.
Мандат у Ціханоўскай (як увасаблення сумленных выбараў для розных электаратаў!) не на аднаасобнае вырашэнне пытанняў па стратэгіі барацьбы з гідрай Пуціна і Лукашэнкі вузкім колам набліжаных.
Нагадаю, некалькі штабоў і беспрэцэндэнтны паўгадавы пратэст народа дазволілі набыць Ціханоўскай статус пераходнай асобы нацыянальнага лідара і міжнародную легітымнасць.
А па словах Кавалеўскага, ОСЦ выбудаваў яе нібыта «з нуля».
І, верагодна, на гэтай падставе так «статусна абасобіўся».
Імхо, шукаць прычыны ў гэбні і нібыта зайдрасных крыўдзюхах — гэта чарговы раз перакладаць адказнасць за сваю безгрунтоўную замкнёнасць ад запытаў шырокага кола пратэстава настроеных і пацярпелых за супраціў людзей, а таксама дзейных палітгуртоў.
Рэальна ачарняльную дзейнасць асобаў кшталту аношак/Карач/Агурбаш і т.д. патрэбна кансалідавана выкрываць і асуджаць ва ўсіх СМІ: прыводзіць факты паклёпаў, поўнага абясцэньвання дасягненняў, біяграфіі (кшталту «не смешыце мае іскандэры» Агурбаш) і т.п.
А з крытыкай актывістаў даўно пачынаць нармальна працаваць, без агульных фраз і перавода стрэлак на зайдраснікаў, непамерныя амбіцыі і лайдакоў», — заклікае чытач N.
* * *
І для беларусаў як супольнасці, і для кожнага з нас важна, каб Беларусь не стала зонай маўчання і атупення. Важна, каб мы ведалі адно пра аднаго і пра супольнасць — чым мы жывём, пра пагрозы і пра надзеі таксама.
Ëсць два спосабы паведамляць пра важнае і цікавае. Можна пісаць у наш бяспечны @Nasa_Niva_Bot. А можна — асабіста тым журналістам і рэдактарам @Nashaniva, якіх вы ведаеце і якім давяраеце (найлепш — у Сігнал або ў Тэлеграм).
З нашага боку гэтыя мэсэнджары абароненыя. Але пільнуйцеся, каб у вас саміх стаяла падвойная аўтэнтыфікацыя і аўтаматычнае выдаленне.
Мы — ваш голас. Дапамагайце нам гаварыць.
«Наша Нiва» — бастыён беларушчыны
ПАДТРЫМАЦЬЦяпер чытаюць
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!2
Каментары