14 беларусаў не пусцілі ў Латвію, іх візы анулявалі за падтрымку расійскай агрэсіі
Іншаземцы, якія прыязджаюць у Латвію з Расіі і Беларусі, трапляюць на мяжы пад узмоцнены кантроль. Мэта праверак — ідэнтыфікаваць тых, хто падтрымлівае расійскую агрэсію супраць Украіны і можа ствараць пагрозу нацыянальнай бяспецы краіны. Пра гэта паведамляе інтэрнэт-рэсурс LSM.lv са спасылкай на Службу дзяржбяспекі Латвіі.
Падчас праверак павышаная ўвага надаецца людзям, якія служылі ў сілавых структурах Расіі і Беларусі, публічна дэманструюць сімвалы, якія асацыююцца з агрэсіяй РФ, або выказваюць негатыўнае стаўленне да Латвіі.
Да гэтага часу ва ўездзе ў Латвію адмовілі 62 замежным грамадзянам — сярод іх 41 грамадзянін Расіі, 14 — Беларусі і 7 грамадзян іншых краін.
Большая частка замежнікаў, якім на мяжы адмовілі ва ўездзе, адкрыта дэманстравала падтрымку ваеннай агрэсіі РФ супраць Украіны, агучваючы тыповыя матывы крамлёўскай прапаганды вайны, засведчылі ў Службе дзяржбяспекі.
У выпадку, калі ў гэтых асобаў была дзейная віза для паездак у Шэнгенскую зону, візу анулёўвалі.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч18
Каментары
Явно большинство попало под аннулирование просто так, в это больше верится..