«Збіраў каля Пінска звесткі аб размяшчэнні воінскіх часцей». Драгічынца асудзілі да трох гадоў калоніі
У Брэсцкім абласным судзе 1 верасня вынеслі прысуд 33-гадоваму ўраджэнцу Драгічына Антону Малюгу па двух артыкулах Крымінальнага кодэкса: ч. 1 арт. 361-4 (садзейнічанне экстрэмісцкай дзейнасці) і ч. 1 арт. 375-1 (незаконнае збіранне звестак, якія складаюць дзяржаўныя сакрэты). Мужчыну абвінавацілі ў тым, што ён у першыя дні вайны ва Украіне «збіраў каля Пінска звесткі аб размяшчэнні воінскіх часцей», на мапе Беларусі адзначыў месца размяшчэння воінскіх часцей і скінуў яе чалавеку ва Украіне, а таксама скідаў тэксты ў «экстрэмісцкія тэлеграм-бот». Суддзя Мікалай Сянько асудзіў Антона Малюгу да трох гадоў калоніі ва ўмовах агульнага рэжыму, піша «Брэсцкая Вясна». Суд праходзіў у закрытым рэжыме.
Раней пракуратура паведамляла падрабязнасці гэтай крымінальнай справы. Так, вядома, што Антону інкрымінавалі тое, што ён 27 лютага 2022 года адаслаў у беларускі тэлеграм-бот тэксты, якія «могуць быць выкарыстаны ў экстрэмісцкай дзейнасці», а 28 лютага 2022 года «шляхам візуальнага назірання з салона аўтамабіля», выехаўшы з Пінска, сабраў звесткі пра месцазнаходжанне вайсковых частак ды падраздзяленняў. Затым адзначыў атрыманыя месцы на карце ды адаслаў асобе, якая жыве ва Украіне.
Такія дадзеныя пра вайскоўцаў палічылі дзяржсакрэтамі ды звесткамі, якія складаюць службовую таямніцу. Таму дзеянні Малюгі кваліфікавалі па двух артыкулах Крымінальнага кодэксу Беларусі: ч.1 арт. 361-4 (садзейнічанне экстрэмісцкай дзейнасці) і ч.1 арт. 375-1 (незаконныя збіранне або атрыманне звестак, якія складаюць дзяржсакрэты).
Суддзя Мікалай Сянько палічыў віну мужчыны цалкам даказанай і прызначыў яму тры гады калоніі агульнага рэжыму.
Цяпер чытаюць
Хто забараняе ў Беларусі кнігі — вось гэтыя 22 чалавекі26
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары