Паварот у справе адвакаткі, затрыманай за «перадачу даных сілавікоў»: яе муж працуе на Валадарцы і праходзіць пацярпелым па справе аб апублічванні яго даных
Учора затрымалі маладую адвакатку Анастасію Сагановіч, якую звязаныя з МУС каналы абвінавачваюць у нібыта «перадачы даных сілавікоў экстрэмісцкім тэлеграм-каналам». Але ёсць нюансы.
Як стала вядома «Нашай Ніве», муж Анастасіі, Сяргей Сагановіч — афіцэр Дэпартамента выканання пакаранняў МУС.
Ён — начальнік атрада ў СІЗА №1 (Валадарка).
З восені 2020-га ён праходзіць пацярпелым па справе аб разгалошванні звестак аб ім у адным з тэлеграм-каналаў.
Выдадзены былі яго імя, дата нараджэння, месца жыхарства, нумар тэлефона, род заняткаў і гэтак далей.
Ці звязана затрыманне ягонай жонкі з яго крымінальнай справай, дакладна пакуль невядома, але гэта можа выглядаць як нагода.
Чытайце таксама: Затрымалі адвакатаў Сагановіч і Макарава. Апошні абараняў палітвязня па справе «Рэвалюцыйнага дзеяння»
Афіцыйныя рэсурсы МУС паведамляюць, што Сагановіч і яе калега Міхась Макараў (сын знакамітай выкладчыцы юрфака БДУ, загадчыцы кафедры экалагічнага і аграрнага права Тамары Макаравай) нібыта перадалі «экстрэмісцкім» тэлеграм-каналам персанальныя звесткі супрацоўнікаў ГУБАЗіК, Следчага камітэта, пракуратуры і суддзяў, якія разглядалі крымінальную справу «Рэвалюцыйнага дзеяння» (артыкул 407 КК).
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары