Украіна атрымае высокадакладныя снарады для гаўбіц. ЗША заявілі пра чарговую партыю вайсковай дапамогі
Прэзідэнт ЗША Джо Байдэн абвясціў пра новы пакет вайсковай дапамогі Украіне. Гаворка ідзе пра суму ў 600 млн даляраў.
Фота: AP
У гэты пакет увайшлі:
— дадатковыя боепрыпасы для высокамабільных артылерыйскіх ракетных сістэм (HIMARS);
— 36 тыс. 105-мм артылерыйскіх снарадаў;
— тысяча высокадакладных артылерыйскіх снарадаў калібру 155 мм;
— чатыры контр-артылерыйскія радары;
— чатыры грузавікі і восем прычэпаў для перавозкі цяжкага абсталявання;
— сістэмы процідзеяння беспілотным лятальным апаратам;
— абсталяванне для размінавання;
— супрацьпяхотныя боепрыпасы Claymore;
— стралковая зброя і боепрыпасы;
— прыборы начнога бачання, абсталяванне для халоднага надвор'я і іншае палявое абсталяванне.
23‑гадовы рэпер з Астраўца загінуў за Расію на вайне. Паваяваў ён, відаць, каля месяца17
Каментары