Адразу два ДТЗ з удзелам ласёў здарыліся на адным участку дарогі ў Брэсцкай вобласці з інтэрвалам у некалькі гадзін. Першая аварыя адбылася на 217-м кіламетры, а другая — на 127-м, паведамляе ДАІ Брэсцкай вобласці.
У Баранавіцкім раёне дзікая жывёліна выбегла на дарогу каля апоўначы. 36-гадовы жыхар горада Іванава на Renault ехаў па крайняй левай паласе аўтадарогі М-1 у напрамку Брэста. На 217-м кіламетры ў бакавую частку машыны «прыляцеў» лось.
Аўтамабіль з'ехаў у кювет, жывёліна загінула на месцы, кіроўца з траўмамі шпіталізаваны.
А ў Бярозаўскім раёне лось нечакана з'явіўся на 127 км той жа дарогі М1 каля 06.30. Тут, праўда, наступствы былі крыху мякчэйшымі: грузавік МАЗ абышоўся нязначнымі пашкоджаннямі, але жывёліна загінула і тут.
Як патлумачылі ў ДАІ, часцей за ўсё аварыі з удзелам гэтых жывёл акурат і здараюцца ў канцы лета — пачатку восені. У гэты час вадзіцелям раяць быць вельмі ўважлівымі, бо ў аленяў і ласёў пачынаецца перыяд гону, пры якім яны актыўна перамяшчаюцца. Самы небяспечны час — вячэрнія і ранішнія прыцемкі.
Рэкамендуецца, убачыўшы на абочыне жывёла, максімальна зменшыць хуткасць. Як тлумачаць эколагі, ласі і алені прымаюць аўтамабіль за драпежніка і ў самы апошні момант кідаюцца праз дарогу.
Цяпер чытаюць
На Мінскім паўмарафоне памёр 50‑гадовы бягун. Вось што вядома пра Аляксея Дашыневіча22
Каментары
Ты никогда не среагируешь на лося ночью. Две точки глаз будешь выискивать? Лось несётся с дикой скоростью.
В нормальных странах есть ограждения на трассах с отдельными изолированными переходами для животных.