У Еўропе рыхтуюцца да магчымых адключэнняў сувязі з-за газавага крызісу
Спыненне паставак газу з Расіі ставіць пад пагрозу працу тэлекамунікацыйных аператараў у Еўропе і прымушае іх шукаць рэзервовыя шляхі, каб не дапусціць адключэнняў сувязі, піша Reuters.
Прадстаўнікі тэлекамунікацыйнай галіны асцерагаюцца, што суровая зіма стане выпрабаваннем для тэлекамунікацыйнай інфраструктуры Еўропы, што прымушае кампаніі і ўрады шукаць спосабы для змякчэння негатыўных наступстваў.
Па словах чатырох кіраўнікоў тэлекамунікацыйных кампаній, у многіх еўрапейскіх краінах недастаткова рэзервовых сістэм, каб справіцца з масавымі адключэннямі электраэнергіі, што павышае імавернасць перабояў у працы мабільнай сувязі.
Еўрапейскія краіны, якія прывыклі да бесперабойнага электразабеспячэння, пераважна не маюць генератараў рэзервовага сілкавання на працяглыя перыяды часу. У Еўропе знаходзіцца амаль паўмільёна тэлекамунікацыйных вежаў, большасць з якіх маюць рэзервовыя батарэі, якіх хапае на 30 хвілін для працы мабільных антэн.
Аператары працуюць з вытворцамі тэлекамунікацыйнага абсталявання Nokia і Ericsson, каб мадэрнізаваць абсталяванне і паменшыць выкарыстанне лішняй энергіі.
Цяпер чытаюць
22‑гадовы Віктар з-пад Клецка пратрымаўся на фронце месяц. А пасля бацькі перасварыліся, дзелячы грабавыя16
Каментары