Бээрэсэмаўкі прапануюць штрафаваць за няяўку на выбары і забараніць ісці ў прэзідэнты «кухаркам, блогерам ці шоўменам»
Падчас «дыялогавай пляцоўкі» па абмеркаванні законапраекта «Аб Усебеларускім народным сходзе» першыя сакратаркі Жлобінскага і Рэчыцкага раённых камітэтаў БРСМ выступілі з нетрывіяльнымі прапановамі.
«Можа быць, час унесці замест выбарчага права выбарчы абавязак? Бо дзяржава траціць бюджэтныя грошы на арганізацыю выбараў. Кожная выбарчая камісія, кожны ўчастак стварае ўмовы для таго, каб чалавек прыйшоў і прагаласаваў. А людзі маюць права неабгрунтавана не прыйсці на выбары. Дык, можа, прыйшла пара ўвесці штрафныя санкцыі за неабгрунтаваную няяўку?», — задала пытанне Алена Холупава са Жлобіна.
Яе калега Ксенія Качаноўская з Рэчыцы, як піша БЕЛТА, глыбока перакананая ў тым, што ў прэзідэнты павінен ісці чалавек, які ведае толк у палітыцы, у эканоміцы.
«Каб не атрымлівалася так, што ў прэзідэнты ідзе кухарка, або блогер, або шоўмен, — удакладніла яна. — Калі беларускі народ вылучае ва УНС дэлегатаў, якім ён глыбока давярае, то такім чынам на УНС фарміруецца палітычная эліта краіны. Можа, варта аддаць права выбару прэзідэнта УНС?»
Яшчэ крыху, і беларускія камсамольцы выступяць з прапановамі штрафаваць за галасаванне не за таго кандыдата.
Цяпер чытаюць
У Мінску адбыліся масавыя затрыманні выдаўцоў і кнігараспаўсюднікаў29
Каментары