Мінабароны: Расійскія войскі пакідаюць Беларусь у планавым парадку
«Расійскія вайскоўцы аператыўна‑стратэгічных вучэнняў «Захад‑2009» пакідаюць тэрыторыю Беларусі ў планавым парадку, без зрываў»,
— паведаміў БелаПАН начальнік прэс‑службы Міністэрства абароны Беларусі Вячаслаў Раменчык.
Паводле яго слоў, плануецца, што апошні эшалон з расійскімі вайскоўцамі ў хуткім часе адправіцца з Беларусі ў РФ.
Нагадаем, на тэрыторыі Беларусі вучэнні «Захад‑2009» праводзіліся з 18 па 29 верасня. Першы расійскі вайсковы эшалон прыбыў у краіну 9 верасня. Усяго на беларускую тэрыторыю было перадыслакавана прыкладна 6 тыс. вайскоўцаў расійскай арміі і дзясяткі адзінак рознай тэхнікі.
Пакідаць Беларусь расійскія войскі пачалі ўжо ў апошні дзень вучэнняў — 29 верасня пайшла першая аўтамабільная калона, на наступны дзень — першы воінскі эшалон. Авіяцыя Узброеных сіл Расіі, якая брала ўдзел у вучэннях, 1 кастрычніка пераляцела на аэрадромы пастаяннага базіравання на тэрыторыі РФ.
Цяпер чытаюць
Алімпійскі чэмпіён Арамнаў: Нам выгадная працяглая вайна, і Вова ды Саша ў ёй перамогуць14
Каментары