Пры ператрусах у Кіева-Пячэрскай лаўры знайшлі прарасійскую літаратуру, людзей з пашпартамі СССР і 100 тысяч даляраў
Служба бяспекі Украіны паведаміла аб завяршэнні следчых дзеянняў на тэрыторыях Свята-Успенскай Кіева-Пячэрскай лаўры ў Кіеве, Карэцкага Свята-Траецкага манастыра і ў памяшканнях Сарненска-Палескай епархіі УПЦ у Ровенскай вобласці.
Як заявіла ведамства, на тэрыторыі храмаў выявілі людзей без дакументаў, грамадзян Расіі, а таксама больш за 2 млн грыўняў, больш за 100 тысяч даляраў ЗША і некалькі тысяч расійскіх рублёў.
Акрамя таго, у ходзе вобшукаў следчыя знайшлі прарасійскую літаратуру, што выкарыстоўвалася пры навучанні ў семінарыях і прыходскіх школах, у тым ліку для прапаганды ідэй «рускага свету», заявіла СБУ.
Некаторыя з выяўленых у манастырах людзей паказвалі пашпарты і ваенныя білеты СССР, або наогул не мелі арыгіналаў дакументаў, а толькі іх копіі, або мелі пашпарты грамадзян Украіны з прыкметамі падробкі ці пашкоджання. Больш за 50 чалавек прайшлі праверку на паліграфе.
Кіева-Пячэрская лаўра знаходзіцца ў падпарадкаванні Украінскай праваслаўнай царквы (УПЦ, да нядаўняга часу часткі Маскоўскага патрыярхата). Пасля пачатку расійскага ўварвання з'яўляліся паведамленні аб тым, што святары УПЦ МП садзейнічалі расійскім акупацыйным войскам і вялі прапаганду «рускага свету».
У расійскім МЗС гнеўна адрэагавалі на правядзенне ператрусаў у лаўры.
«Гэта ж проста нейкая татальная бязбожная вакханалія, — заявіла афіцыйны прадстаўнік міністэрства Марыя Захарава. — Гэтаму няма ні апраўдання, ні тлумачэння». Такі ўчынак укладваецца ў логіку дзеянняў кіеўскага рэжыму, дадала яна.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары