Прыходзяць звесткі пра ўзмацненне рэжыму для палітвязняў на «хатняй хіміі». Што вядома?
Пад удар патрапілі тыя, хто адбывае ці адбыў пакаранне ў выглядзе «хатняй хіміі».
Першае паведамленне пра ўзмацненне рэжыму для «хатніх хімікаў» апублікавала «Вясна» яшчэ 28 лістапада. Тады стала вядома, што ў Баранавічах і Мінску павялічылі колькасць праверак, ды так, што да некаторых пачалі прыходзіць нават ноччу, змушалі хадзіць на лекцыі ў РУУС раз на тыдзень (раней яны былі раз на два тыдні), а некаторым нават забаранілі вадзіць дзяцей у секцыі.
Пасля паведамленні пра ўзмацненне рэжыму пачалі паступаць масава да розных ініцыятыў і ў Рэдакцыю — людзям змяншалі час на шлях да працы, скарацілі вольны час з дзвюх гадзін да адной, пачасцілі праверкі (у тым ліку стабільна сярод ночы і калі яны на працы), забаранялі працоўныя камандзіроўкі, а некаторых, хто ўжо адбыў пакаранне, зрабілі невыязнымі. Прычым у некаторых месцах гэта закранула і «хімікаў», асуджаных не па палітычных справах. Гэта адбываецца паступова ў розных месцах, але тэндэнцыя вельмі выразная.
Некалькі не звязаных між сабой крыніц расказалі нам, што каля трох тыдняў таму ў структурах МУС пачалася «актывізацыя» з нагоды таго, што ўлады палічылі рэжым у асуджаных на хатнюю хімію «занадта мяккім». Заўважылі, што шмат людзей у выніку з'язджае — да, падчас ці пасля адбыцця хатняй хіміі.
Відаць, кожнае аддзяленне міліцыі пайшло рознымі шляхамі: нехта ўзмацніў кантроль за тымі, хто адбывае пакаранне, а некаторыя вырашылі заціснуць гайкі да максімуму.
Якая мэта мусіць быць дасягнутая такім чынам, нашы суразмоўцы не разумеюць — бо большасць людзей на «хатняй хіміі» і так выконвалі ўсе рэжымныя мерапрыемствы. А з'язджалі людзі звычайна менавіта праз складанасці з адбыццём пакарання і штучна створаны ціск сілавікоў на іх.
«Наша Нiва» — бастыён беларушчыны
ПАДТРЫМАЦЬ
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары