Прэзідэнт Еўрапейскай рады Шарль Мішэль заявіў, што выступае за перадачу Украіне танкаў разам з іншымі неабходнымі відамі ўзбраення.
Пра гэта ён сказаў у сваім выступе ў Еўрапарламенце.
«Ужо амаль год Расія рэалізуе стратэгію разбурэння і тэрору, спрабуючы бомбамі прымусіць украінцаў падпарадкавацца. Мы бачым гэты падыход у Бахмуце, у Салядары, з апошняга — у Дняпры. Але ўкраінцы супраціўляюцца і працягваюць барацьбу. А мы, Еўрасаюз, працягнем падтрымліваць іх столькі, колькі будзе неабходна. Мы працягнем вайсковую падтрымку дзякуючы пашырэнню Еўрапейскага фонду па падтрыманні міру. Цяпер час дзейнічаць. Украіне тэрмінова трэба больш узбраення, і асабіста я выступаю за тое, каб даць Украіне танкі», — заявіў ён.
Прэзідэнт Еўракамісіі Урсула фон дэр Ляен раней таксама выказалася за перадачу Украіне танкаў.
Польшча на мінулым тыдні выказала гатоўнасць даць Украіне танкі Leopard 2, але разам з партнёрамі.
На гэтым тыдні Брытанія першай анансавала перадачу Украіне сваіх танкаў Challenger 2.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары