Польшча афіцыйна запрасіла згоду Германіі на пастаўкі Украіне танкаў Leopard-2
Польшча падала афіцыйную заяўку Германіі, у якой просіць Берлін ухваліць перадачу Украіне танкаў Leopard 2, якія знаходзяцца ў распараджэнні краіны.
![](http://nashaniva.com/img/w732d4webp1/photos/z_2023_01/ap23013507404050-gqr34-gqeu1-oofh6.jpg.webp)
Варшава даўно просіць Берлін — вытворцу танкаў — даць сваю згоду, як таго патрабуюць правілы НАТА па перадачы ўзбраенняў.
Польскія ўлады і іншыя саюзнікі па альянсе разлічвалі, што пытанне вырашыцца падчас чарговай сустрэчы кантактнай групы «Рамштайн» у мінулую пятніцу.
Але Берлін зноў не даў станоўчага адказу. Хоць гэта першы афіцыйна аформлены запыт Варшавы, ён мае хутчэй сімвалічнае значэнне.
Прэм'ер-міністр Польшчы Матэвуш Маравецкі заявіў у панядзелак, што Варшава можа паступіць па сваім меркаванні пры любым адказе нямецкіх уладаў. У мінулыя выхадныя Маравецкі таксама заявіў, што Польшча мае намер сабраць кааліцыю з краін НАТА, якія таксама маюць танкамі Leopard 2 і гатовыя перадаць іх Кіеву без адабрэння Берліна.
Каментары