Літоўскі настаўнік пасля сваркі з жонкай пешшу пайшоў ва Украіну на мора
Літоўскі педагог самавольна пешшу перасёк беларуска‑літоўскую мяжу, але быў затрыманы памежнікамі.
Літоўскі педагог самавольна пешшу перасёк беларуска‑літоўскую мяжу, але быў затрыманы памежнікамі.Аб гэтым паведаміў начальнік прэс‑службы Лідскага пагранатрада Алег Анацкі.
Вельмі п’янага, але вельмі інтэлігентнага выгляду інтурыста затрымала трывожная група ў двухстах метрах ад мяжы ў раёне вёскі Лаўцы Воранаўскага раёна. Парушальнікам мяжы аказаўся 40‑гадовы педагог літоўскай школы для дзяцей‑сірот.
Затрыманы растлумачыў пагранічнікам, што пасля сваркі з жонкай, знаходзячыся ў стане моцнага душэўнага хвалявання, ён пайшоў з дому і пешшу адправіўся ў Беларусь, адкуль меў намер трапіць у Украіну да мора.
Гора‑падарожнік затрыманы на трое сутак і дастаўлены ў ізалятар часовага ўтрымання Лідскага пагранатрада для правядзення разбору. Складзены пратакол аб адміністрацыйным правапарушэнні. Вырашаецца пытанне аб яго дэпартацыі з Беларусі.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары