Украінскія экіпажы вяртаюцца ва Украіну пасля навучання на брытанскіх танках Challenger 2
Брытанскія вайскоўцы на працягу некалькіх тыдняў навучалі ўкраінскіх танкістаў кіраванню і сумеснай працы ў якасці экіпажа танка Challenger 2, а таксама эфектыўнаму выяўленню і паражэнню цэляў.
«Чакаецца, што ўкраінскія экіпажы і танкі будуць на пазіцыях да вясновага контрнаступлення, якое, як мяркуюць, знаходзіцца ў распрацоўцы», — піша газета Guardian.
«Мы ўсе былі вельмі ўражаныя ўзроўнем прадэманстраванай кампетэнтнасці, і мы не сумняваемся, што нашы [ўкраінскія] сябры будуць максімальна эфектыўна выкарыстоўваць танкі Challenger 2 у баях, што маюць адбыцца», — сказаў адзін з інструктараў.
Выданне нагадвае, што, акрамя 14 танкаў Challenger, Вялікабрытанія адпраўляе Украіне 20 бронетранспарцёраў Bulldog і 30 самаходных артылерыйскіх установак AS-90.
Цяпер чытаюць
Лукашэнка: Я на перамовах з амерыканцамі і еўрапейцамі кажу: «Я гатовы перагарнуць старонку»26
Каментары