Актывісты па барацьбе са змяненнем клімату вылілі чорную фарбу ў знакаміты фантан Баркача ў Рыме
Сітуацыю пракаментаваў мэр горада.
Кліматычныя актывісты з руху Ultima Generazione («Апошняе пакаленне») вылілі «чорную вадкасць на аснове драўнянага вугалю» ў знакаміты фантан Баркача ў цэнтры Рыма. Відэазапіс падзеі з’явіўся 1 красавіка на афіцыйнай старонцы Ultima Generazione ў твітары.
«Абсурдна, што гэта вас шакуе, калі ў той жа час мы перажываем надзвычайную сітуацыю з-за засухі, якая ставіць сельскую гаспадарку і вытворчасць энергіі ў крызіс», — напісалі актывісты пад відэа.
♠️ Roma - Tinta di nero l'acqua della fontana della Barcaccia
E' assurdo che questo gesto vi scandalizzi, quando stiamo vivendo un'emergenza siccità che mette in crisi l'agricoltura, la produzione di energia... insomma la nostra stessa sussistenza, e ci sono dei responsabili. pic.twitter.com/AROZ0oU8CX
Адразу пасля акцыі маладых людзей арыштавала паліцыя, і цяпер яны знаходзяцца пад вартай. Ім афіцыйна прад’яўлена абвінавачанне ў апаганенні грамадскага помніка.
Сітуацыю паспеў пракаментаваць мэр італьянскай сталіцы Рабэрта Гуальцьеры, які ў той жа дзень наведаў забруджаны фантан. Паводле яго слоў, пашкоджанне Баркачы не мае нічога агульнага з абаронай клімату і навакольнага асяроддзя.
«Рым знаходзіцца на пярэднім краі барацьбы са змяненнем клімату і ў абароне мастацкай спадчыны. Кідаць чорную вадкасць у Баркачу, рызыкуючы сапсаваць яе, — абсалютна няправільны жэст, які не дапамагае навакольнаму асяроддзю», — напісаў мэр Рыма ў сваім твітары.
#Roma è in prima linea nella lotta ai mutamenti climatici e nella tutela del patrimonio artistico. Gettare liquido nero nella #Barcaccia rischiando di rovinarla è un gesto assolutamente sbagliato che non aiuta l’ambiente. Già operativi gli interventi per evitare danni permanenti. pic.twitter.com/W0CnmpylwW
Акрамя гэтага, Гуальцьеры паведаміў, што фантан на дадзены момант ужо цалкам ачышчаны і Баркача «зноў можа напоўніцца прыгажосцю».
Нагадаем, што рух «Апошняе пакаленне» ужо не першы раз ладзіць падобныя акцыі супраць змянення клімату. Напрыклад, ў мінулым годзе экаактывісты аблілі супам карціну Ван Гога, кінулі бульбяное пюрэ ў працу Клода Манэ, зрэзалі верхавіну галоўнай ёлкі Берліна, а таксама прыляпілі сябе да берлінскай аўтамагістралі, чым выклікалі кіламетровы затор.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары