У горадзе налічваецца 1000 муралаў, якія адлюстроўваюць шматлікія нацыянальнасці, але беларускага мурала пакуль не было.
Мастачка — 15-гадовая Саша Герман беларускага паходжання. На мурале адлюстраваныя традыцыйныя элементы — дзяўчыны ў народных строях, купальскае вогнішча, зубр, беларускія арнаменты.
Мурал зроблены цягам 2 тыдняў з дапамогай 50 валанцёраў ва ўзросце ад 8 да 70 гадоў. Знаходзіцца па адрасе 701 Taraval St, San Francisco
У апошні дзень маляваць прыйшло больш за 30 чалавек, атрымалася сапраўдная талака. Шмат мясцовых жыхароў цікавіліся сітуацыяй у Беларусі, выказвалі падтрымку і дзякавалі за ўпрыгожанне іх раёна, паведамляюць беларусы Сан-Францыска.
Грошы на мурал былі сабраныя беларускай суполкай Сан-Францыска і сябрамі. Лішак сабраных грошай будзе дасланы праекту Dissidentby, які падтрымлівае палітзняволеных і іх сем’і.
Таксама арганізатары стварэння мурала спадзяваюцца ўбачыць больш беларускіх муралаў у ЗША і іншых краінах свету і гатовыя падзяліцца досведам (напрыклад, як шукаць сцяну), а таксама часткова фінансава падтрымаць адзін мурал іншай суполкі. Напісаць можна ў інстаграм.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам10
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў77
Каментары
маленькая галава і металічная нага)