«Іржавы мост» цераз Свіслач у Мінску зноў адкрылі для карыстання
У пачатку лютага з'явіліся паведамленні, што «Ржавы мост» цераз Свіслач зноў закрылі. Тады высветлілася, што ўся справа ў будоўлі гасцініцы Hilton па суседстве. У выніку мост быў дзіўным спосабам не асабліва надзейна заблакаваны «ў мэтах бяспекі». Але, здаецца, цяпер па ім ужо дакладна можна хадзіць, піша CityDog.io.
Узвядзенне моста ад вуліцы Зыбіцкай да былой другой гарадской бальніцы было запланавана ў рамках будаўніцтва гатэля Hilton. Ужо на этапе праектавання да яго прыляпілася назва «Ржавы», бо агароджа выканана з картэнавай сталі, колер якой нагадвае ржу.
Мост атрымаўся даволі стромкім па ўздыме, каб гарадскія службы маглі чысціць пойму Свіслачы і спакойна праязджаць пад мостам. Адкрылі яго ў сярэдзіне кастрычніка 2022 года, але ўжо літаральна праз некалькі дзён праход па мосце перакрылі на час будаўніча-мантажных работ гатэля па суседстве. Потым мост працаваў яшчэ нейкі час, а ў лютым гэтага года на яго зноў стала нельга заходзіць, і зноў па той самай прычыне.
Цяпер жа ўсе агароджы прыбраныя, а па «Ржавым мосце», здаецца, зноў можна бесперашкодна пераходзіць Свіслач.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі7
Каментары