Ілан Маск, уладальнік кампаніі Twitter і адзін з найбагацейшых людзей свету, даў інтэрв'ю Бі-бі-сі, у якім распавёў, што кіраваць сваім новым набыццём «даволі балюча» і што ён гатовы прадаць кампанію, калі знойдзе добрага пакупніка.
Маск, якому таксама належаць кампаніі Tesla і SpaceX, купіў Twitter за 44 млрд даляраў у кастрычніку пасля некалькіх месяцаў перамоў і судовых разглядаў. Асабістае багацце Маска ацэньваецца амаль у 190 млрд даляраў, што, паводле спіса мільярдэраў Forbes, робіць яго другім найбагацейшым чалавекам у свеце.
Інтэрв'ю, якое, па яго ўласных словах, Маск вырашыў даць «спантанна», транслявалася ў жывым эфіры з Сан-Францыска з дапамогай Twitter Spaces і сабрала больш за тры мільёны слухачоў і гледачоў.
У гутарцы з карэспандэнтам Бі-бі-сі Маск сказаў, што кіраваць кампаніяй няпроста. «Гэта зусім не вечарынка, гэта вельмі складаны працэс, — сказаў ён. — Затое нясумна, гэта сапраўдныя амерыканскія горкі».
Маск прызнаўся, што на працягу апошніх некалькіх месяцаў «сітуацыя была сапраўды даволі стрэсавай», але па-ранейшаму лічыць, што купля кампаніі была правільным рашэннем.
Паводле яго слоў, у цэлым справы ў Twitter ідуць нядрэнна: сайт працуе і ім карыстаюцца ўсё часцей.
Працы столькі, што часам кіраўніку кампаніі даводзіцца спаць у офісе. Маск распавёў, што ў яго для гэтага ёсць месца на канапе ў бібліятэцы, «куды ніхто не ходзіць».
Яшчэ да куплі Twitter адносіны Маска з гэтай сацыяльнай сеткай былі няпростымі. «Ці страляў я сабе ў нагу сваімі твітамі? Так, не раз, — сказаў ён. — Думаю, мне не трэба пісаць твіты пасля трэцяй гадзіны ночы».
Маск заявіў, што хацеў заплаціць менш за Twitter пасля таго, як выявіў, што больш аўтаматызаваных ботаў у сетцы. Калі б яму прапанавалі 44 млрд проста цяпер, ён бы не прадаў Twitter, сказаў Маск, але затым удакладніў, што прадаў бы, калі б быў упэўнены, што новы ўладальнік — праўдзівы прыхільнік ідэі казаць праўду.
Ілан Маск адмовіўся выдаляць з твітара допіс Дзмітрыя Мядзведзева пра «знікненне» Украіны
Ілан Маск забраў у The New York Times сінюю птушачку ў твітары з-за адмовы плаціць за падпіску
Твітар Маска паніжае рэйтынг любой публікацыі пра вайну ва Украіне
Акаўнт Кабанчука ўзламалі — але ці беларускія спецслужбы?11
Каментары