Абмежаванні на наведванне лясоў пашырылі на ўвесь захад Беларусі
Згодна з новай інтэрактыўнай картай, выстаўленай на сайце Мінлясгаса, абмежаванні на наведванне лясоў, пад якія ўчора патрапілі чатыры раёны, сёння распаўсюдзіліся на ўсю Брэстчыну і Гродзеншчыну.
За межы гэтых абласцей абмежаванні нідзе не выходзяць, выключэнняў няма таксама.
Учора пад абмежаванні патрапілі толькі чатыры раёны Гродзенскай вобласці каля мяжы з Літвой — Астравецкі, Воранаўскі, Лідскі і Смаргонскі.
Абмежаванні на лясныя прагулкі ўводзяцца ў выпадку высокай рызыкі пажарнай небяспекі. Калі такая верагоднасць зніжаецца — санкцыі здымаюцца.
Сачыць за сітуацыяй у рэжыме рэальнага часу можна з дапамогай інтэрактыўнай карты на сайце Мінлясгаса. На ёй паказана, у якіх рэгіёнах дзейнічаюць абмежаванні або забароны на наведванне лясоў.
Каментары