«Гэта будзе здрада». Залужны не даў падарваць масты ў Кіеве на пачатку расейскага ўварвання
Расейцы не змаглі высадзіць дэсант з ваеннай тэхнікай у Гастомелі, аднак узялі ў аператыўнае акружэнне Чарнігаў, імкліва прасоўваліся па Сумшчыне і з дня на дзень маглі выйсці на левабярэжныя прыгарады Кіева.
Галоўнакамандуючы Узброеных Сіл Украіны Валерый Залужны ў пачатку поўнамаштабнага ўварвання Расіі ва Украіну і спробы атачэння Кіева не даў згоды на падрыў мастоў у сталіцы. Па даных Украінскай службы BBC, размова пра гэта ўзнікла 26 лютага 2022 года.
На трэці дзень поўнамаштабнага ўварвання РФ ва Украіну ўжо было відавочна, што план расейцаў «захапіць Кіеў за тры дні» праваліўся, аднак яны падышлі вельмі блізка да сталіцы.
Расейцы не змаглі высадзіць дэсант з ваеннай тэхнікай у Гастомелі, аднак яны ўзялі ў аператыўнае акружэнне Чарнігаў, імкліва прасоўваліся па Сумшчыне і з дня на дзень маглі выйсці на левабярэжныя прыгарады Кіева.
Публічна ўлады заклікалі ўкраінцаў не панікаваць, аднак паміж сабой ва ўрадзе пачалі актыўна абмяркоўваць ідэю падарваць усе кіеўскія масты, каб затрымаць расейскую армію перад Дняпром і не дапусціць ворага да ўрадавага квартала.
Тады адзін з высокапастаўленых чыноўнікаў набраў тагачаснага кіраўніка СБУ Івана Баканава і патрабаваў, каб той загадаў сваім спецназаўцам падарваць масты і адрэзаць левы бераг Дняпра ад правага.
Сітуацыя была складанай. Баканаў патэлефанаваў да галоўнакамандуючага УСУ генерала Валерыя Залужнага. Той яго выслухаў і без ваганняў адказаў: «Падарваць масты? Ні ў якім разе! Гэта будзе здрада тым, хто застаўся на левым беразе Дняпра — і ваенным, і цывільным».
Чытайце таксама:
Залужны: Прыйшоў час вяртаць сваё
«Не хапала сілы». Залужны згадаў, што давяло яго да слёз з пачатку расійскага ўварвання
Залужны пра перамогу Украіны: Замала толькі вызвалення акупаваных тэрыторый
Цяпер чытаюць
Залішняе будаўніцтва: ці можа любоў беларусаў інвеставаць грошы ў кватэры прывесці да крызісу на рынку нерухомасці?3
Каментары