Пад Баранавічамі разбіўся Мі-24. Імаверна, расійскі, з літарай Z
Сёння каля 13:30 у Баранавіцкім раёне разбіўся верталёт Мі-24. Паводле Мінабароны, ён здзейсніў рэзкую пасадку.
Экіпаж верталёта атрымаў цялесныя пашкоджанні, разбурэнняў і пацярпелых на зямлі няма, паводле афіцыйнай інфармацыі.
Прычыны здарэння высвятляюцца камісіяй, паведамляе Мінабароны.
Як піша тэлеграм-канал Motolkohelp, гэта верталёт паветрана-касмічных сіл Расіі. Мінабароны не называе прыналежнасць верталёта.
На фюзеляжы самалёта відаць літара Z.
«Аналіз паведамленняў паказвае, што на месцы катастрофы прысутнічаюць МНС, ВАІ РФ, вайсковая паліцыя і «Урал» з літарамі НПСК — гэта мабільны комплекс сродкаў наземных пошукава-выратавальных каманд (МКС НПСК)», — піша Motolkohelp. І называе месца падзення: каля вёскі Лясная, у кірунку Берасця.
З’явілася і відэа з месца падзення. «Гэта страшна, там чалавек», — кажа жаночы голас за кадрам.
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дзяйкала13
Каментары
можа там нейки бирмудски 3-угольник?