ПАРЕ падтрымала поўнае недапушчэнне беларускіх і расійскіх спартоўцаў на Алімпіяду нават у нейтральным статусе
У Парламенцкай асамблеі Рады Еўропы выдаўся вельмі насычаны дзень: акрамя спартыўнай рэзалюцыі, там падтрымалі і ўкраінскую «формулу міру», і сяброўства Украіны ў НАТА.
22 чэрвеня Парламенцкая асамблея Рады Еўропы (ПАРЕ) прыняла адразу некалькі рэзалюцый. Адна з іх датычыцца поўнай забароны на допуск беларускіх і расійскіх спартсменаў на Алімпійскія гульні нават у нейтральным статусе.
Адпаведны дакумент быў прыняты з 71 галасамі «за» і 4 «супраць». У ім адзначаецца настойлівы заклік да Міжнароднага алімпійскага камітэта адысці ад «практыкі несур'ёзных забарон», бо гэта «толькі запэўнівае рэжымы Беларусі і Расіі ў нібы гатоўнасці свету змірыцца з іх злачынствамі».
«Удзел беларусаў і расіян у Алімпіядзе абсалютна недапушчальны, таму што ў цяперашніх умовах гэта будзе выкарыстана іх прапагандай і зробіць немагчымым удзел у турнірах іншых краін, асабліва Украіны. Паколькі элітныя спартсмены Беларусі і Расіі цалкам звязаныя з урадамі і сілавымі ведамствамі сваіх краін, то нават дэманстрацыя іх нейтралітэту здаецца чымсьці немагчымым», — напісана ў рэзалюцыі ПАРЕ.
Акрамя гэтага, былі таксама ўхваленыя рэзалюцыі аб поўнай падтрымцы ўступлення Украіны ў НАТА і поўнай згодзе з украінскай «формулай міру», якая ў тым ліку мае на ўвазе ўзмацненне санкцыйнага ціску на саюзнікаў Расіі агулам і Беларусь у прыватнасці.
Нагадаем, што зусім нядаўна ПАРЕ поўнай большасцю галасоў падтрымала рэзалюцыю аб ліквідацыі юрыдычных перашкодаў для беларусаў на эміграцыі.
Цяпер чытаюць
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога5
Памятаеце мінчука, які ў 2017‑м выратаваў сцяг з-пад ног амапаўцаў — коштам сваёй свабоды? Цяпер яму, былому палітвязню, трэба дапамога
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5050
Каментары