У выніку расійскага ўдару па Краматорску загінулі дзве сястрычкі-школьніцы. Яны толькі скончылі 8-ы клас
Загінулыя школьніцы 4 верасня павінны былі святкаваць сваё 15-годдзе.
«З сумам і невыносным болем паведамляем пра гібель дзвюх сясцёр Юліі і Ганны Аксёнчанак, вучаніц краматорскай школы №24», — гаворыцца ў паведамленні ўпраўлення адукацыі Краматорскай гарадской рады ў тэлеграм-канале.
Загінулыя школьніцы 4 верасня павінны былі святкаваць сваё 15-годдзе.
«Цяжка знайсці словы суцяшэння, немагчыма загаіць боль і горыч ад страты, бо смерць самых родных людзей — вялікае выпрабаванне. У гэты горкі момант падзяляем гора вашай сям'і і разам з вамі схіляем галаву ў глыбокім смутку», — дадалі ва ўпраўленні, як піша УНІАН.
27 чэрвеня расіяне нанеслі два ракетныя ўдары па цэнтры Краматорска. Адзін са снарадаў трапіў у піцэрыю, дзе знаходзіліся дзеці. Першапачаткова паведамлялася, што акупанты ўдарылі з ЗРК С-300, але пазней стала вядома, што ўдар быў учынены дзвюма ракетамі «Іскандэр».
Вядома пра дзевяць загінулых, сярод якіх тры непаўналетнія дзяўчынкі — адна 17-ці гадоў і згаданыя вышэй дзве сястры 14-ці гадоў. Пры гэтым генеральны пракурор Андрэй Косцін паведаміў, што ўсяго пацярпелі 60 чалавек.
Пасля папярэджання ад Кітая колькасць мігрантаў на польскім кірунку скарацілася ў разы — ГРАФІК1
Пасля папярэджання ад Кітая колькасць мігрантаў на польскім кірунку скарацілася ў разы — ГРАФІК
«Мой каханы не чытае навіны, калі яны напісаныя па-беларуску». Дар'я Царык стала на абарону рускай мовы і прыпляла нават Пазняка87
Каментары