Напярэдадні службовыя асобы дзяржаўнай лясной аховы не атрымалі ніводнага сігналу аб узгараннях у лясным фондзе. Упершыню за доўгі час, за 53 дні, паведаміла Міністэрства лясной гаспадаркі ў фэйсбуку.
Менавіта столькі — 53 дні — без перапынку дзяржаўная лясная ахова штодня выязджала на ліквідацыю лясных пажараў. Усяго ж з пачатку года ў лясным фондзе Мінлясгаса было зафіксавана 392 узгаранні на агульнай плошчы 203,6 га. Учарашні дзень стаў сапраўднай радасцю для работнікаў галіны.
«Кіраўніцтва Міністэрства лясной гаспадаркі дзякуе ўсім леснікам, лесаводам, дзяжурным пажарным вартаўнікам і ўсім тым, хто змагаўся з агнём і дзяжурыў днём і ноччу за зладжаную працу, прафесіяналізм і чарговае пацвярджэнне таму, што наша галіна здольная справіцца з самымі складанымі задачамі. Мы ганарымся вамі», — зазначае ведамства.
Найбліжэйшымі днямі таксама па краіне абяцаюць месцамі дажджы.
Каментары