Павел Латушка з прадстаўнікамі польскага міністэрства А. Сямашкам і М. Фалькоўскім. Фота: CabinetBelarus
Намеснік кіраўніцы Аб’яднанага пераходнага кабінета агучыў такія прапановы, як
— Пашырэнне праграмы Poland Business Harbor на больш шырокае кола прадпрымальнікаў.
На сёння ўжо 93% з больш чым 75 тысяч віз па гэтай праграме выдадзеныя грамадзянам Беларусі. Прадстаўнікі польскага боку абяцалі разгледзець пытанне спрашчэння выдачы віз для прадстаўнікоў іншага інавацыйнага бізнэсу, акрамя ІТ-сектара;
— Стварэнне адукацыйнай праграмы для тых, хто жадае распачаць сваю справу ў Польшчы, у галіне правіл вядзення бізнэсу і формаў падтрымкі з боку дзяржавы,
а таксама адзінага інфармацыйнага партала для беларусаў аб магчымасцях і патрабаваннях у сферы прадпрымальніцтва. Прадстаўнікі міністэрства растлумачылі, што такія праграмы плануецца ствараць як на ўзроўні Польскага агенцтва развіцця прадпрымальніцтва, так і на лакальным узроўні — мясцовымі арганізацыямі развіцця бізнэсу і СЭЗ.
— Стварэнне магчымасцяў для рэлакацыі беларускага бізнэсу ў Польшчу праз больш прывабны ў параўнанні з Беларуссю падатковы рэжым.
Павел Латушка з прадстаўнікамі польскага міністэрства А. Сямашкам і М. Фалькоўскім. Фота: CabinetBelarus
Польскім бокам агучана гатоўнасць даваць ільготы для беларускіх прадпрымальнікаў па праграме IP box пры працаўладкаванні моладзі і інш., абмеркавана пытанне дзейнасці беларускіх прадпрымальнікаў у межах СЭЗ Польшчы.
На сустрэчы абмеркавана магчымасць стварэння двухбаковай кансультацыйнай групы па пытаннях развіцця прадпрымальніцтва.
Міністэрства развіцця і тэхналогій Польшчы гатова на рэгулярнай аснове ўзаемадзейнічаць з Кабінетам і беларускімі бізнэс-асацыяцыямі ў межах кансультацыйных сустрэч і на практыцы падтрымаць стварэнне шырокага аб'яднання беларускіх дзелавых структур.
Таксама вялася размова аб арганізацыі восенню бягучага года кансультацыйнай сустрэчы шырокага кола прадстаўнікоў з беларускага і польскага бакоў з мэтай комплекснага разгляду праблем дзейнасці беларускага бізнэсу ў Польшчы.
Чытайце таксама:
Ці варта цяпер разглядаць куплю нерухомасці як добрую інвестыцыю і сродак зберажэння накапленняў?
У Вільні адкрыўся офіс Асацыяцыі беларускага бізнэсу за мяжой
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)