На лэйбле Radio Plato выйшаў дэбютны альбом беларускага гурта Vapna — Askiepki LP.
Askiepki LP — гэта беларускамоўны альбом з музыкай, якая вагаецца паміж напорыстым краўт-рокам і пастпанкам, часам ступаючы на электрапоп-тэрыторыю. Альбом уздоўж і ўпоперак прасякнуты беларускім вайбам: тут падымаюцца тэмы міграцыі, раз’яднанасці і бясконцага беларускага лета, агорнутыя ў смелыя, часам псіхадэлічныя сінтэзатарныя эксперыменты.
— Дзесяць трэкаў, пяць гадоў, шэсць краін — альбом Askiepki ўвабраў у сябе вельмі шмат і ствараўся вельмі павольна, урыўкамі і наскокам. Жыццё апошнія гады не спрыяла запісу музыкі, але ўпартасць перамагла, — кажуць музыкі.
— Мы хочам, каб гэты альбом быў мосцікам цераз межы і паміж гарадамі, каб яго слухалі і ў Менску, і ў Вільні, і ў Гомелі, і ў Гданьску — паўсюль, дзе ён можа быць пачуты і дзе яго зразумеюць. Мы бачым сваю працу часткай новай хвалі беларускай музыкі, якая з’яўляецца проста цяпер і нясе ў сабе будучыню.
Vapna — гэта дуэт Андрэя Вазьянава і Паўла Астахава. Гурт быў заснаваны ў 2019 годзе пад назвай Novy Byt, затым быў перайменаваны ў Vapna. Уласна, матэрыял для альбома быў запісаны ў перыяд з 2019 па 2022 гады, таму ўвесь нерв сучаснай гісторыі Беларусі можна адчуць у альбоме поўнасцю.
Слухаць альбом можна на ўсіх стрымінг-платформах.
Падтрымаць альбом на Bandcamp.
Цяпер чытаюць
Памятаеце Данілу з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў і з чаго ўсё пачалося
Каментары