Украінскі дэпутат з'ездзіў у «камандзіроўку» на Мальдывы, яго пазбавяць мандата
У Вярхоўнай Радзе зарэгістравалі праект пастановы аб пазбаўленні мандата народнага дэпутата ад партыі «Слуга народа» Юрыя Арыстава. Інфармацыя пра гэта з'явілася на сайце ўкраінскага парламента. Правініўся дэпутат тым, што нядаўна стала вядома пра ягоны адпачынак на Мальдывах.
Юрый Арыстаў не проста дэпутат, а намеснік кіраўніка камітэта Вярхоўнай Рады па пытаннях нацбяспекі, абароны і разведкі.
24 ліпеня выданне «Слідство.Інфо» паведаміла, што Арыстава ў сярэдзіне ліпеня заўважылі ў пяцізоркавым гатэлі Waldorf Astoria Maldives, размешчаным на прыватным востраве Ітхаафушы на Мальдыўскіх астравах.
Журналісты патэлефанавалі ў гатэль, дзе ім пацвердзілі, што Арыстаў сапраўды быў іх госцем, але ўжо выселіўся.
Пасля гэтага кіраўнік фракцыі «Слуга народа» Давід Арахамія заявіў, што ініцыюе пытанне аб неадкладным прыпыненні сяброўства Арыстава ў фракцыі. Ён дадаў, што запытаў усе дакументы па камандзіроўках і ў выпадку пацвярджэння запатрабуе ад дэпутата складання мандата. Увечары 25 ліпеня Арыстаў падаў у парламент адпаведную заяву.
На наступны дзень Служба бяспекі Украіны паведаміла, што ў дачыненні да дэпутата заведзена крымінальная справа па артыкуле аб службовым падлогу (частка 1 артыкула 366 КК Украіны). У ведамстве заявілі, што для нелегальнага выезду за межы Украіны былі ўнесены хлуслівыя звесткі ў афіцыйныя дакументы, у прыватнасці, адносна тэрміну, мэты і краіны «службовай камандзіроўкі». У кватэры дэпутата правялі ператрус, падчас якога знайшлі замежны пашпарт з адзнакамі пра паездку на Мальдывы.
Скандал з Арыставым згадаў і прэзідэнт Украіны Уладзімір Зяленскі ў вячэрнім звароце 25 ліпеня. Ён адзначыў, што
«некаторым асобам здаецца, што вайна дзесьці там, дзесьці далёка ад іх, як быццам купал Вярхоўнай Рады, або сцены нейкіх кабінетаў, або пералік нейкіх паўнамоцтваў могуць закрыць ад рэальнасці».
У студзені 2023 года Рада нацыянальнай бяспекі і абароны Украіны забараніла выезд чыноўнікам за мяжу. Згодна з рашэннем РНБА, у перыяд мабілізацыі і ваеннага становішча дзяржслужбоўцы могуць выязджаць за межы Украіны толькі ў службовыя камандзіроўкі.
Незадоўга да гэтага намеснік генпракурора Украіны Аляксей Сіманенка, які ў канцы чэрвеня 2022 года ездзіў у адпачынак у Іспанію, напісаў заяву аб звальненні. Паводле звестак «Украінскай праўды», калі пра адпачынак Сіманенкі стала вядома грамадству, яго папрасілі пайсці ў адстаўку.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію6
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі55
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі5
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары