Настаўніцу-пенсіянерку з Глыбоцкага раёна пакаралі суткамі за «экстрэмізм», выдалены два гады таму
Суддзя Глыбоцкага раёна Аляксандр Аляксеенка 5 чэрвеня пастанавіў пакараць арыштам на 10 сутак былую настаўніцу Празарокскай СШ 66-гадовую Алену Кішкурну, якая ў сацыяльных сетках распаўсюдзіла «экстрэмісцкія» матэрыялы, узятыя ёю на пяці інфармацыйных рэсурсах, даведалася «Віцебская вясна».
На судовым паседжанні Алена Вацлаваўна не аспрэчвала факту наяўнасці ў яе старонкі ў сацыяльнай сетцы «УКантакце», як і таго, што на гэтай старонцы былі змешчаныя матэрыялы, уключаныя цяпер у рэспубліканскі спіс экстрэмісцкіх матэрыялаў. Аднак у судзе таксама было ўстаноўлена, што гэтая інфармацыя была выдаленая пенсіянеркай яшчэ ў 2021 годзе.
Тым не менш, на падставе прызнання віны «правапарушальніцы» і выкарыстоўваючы ч. 2 арт. 19.11 КаАП суддзя Аляксеенка прысудзіў жанчыне арышт тэрмінам на дзесяць сутак і канфіскаваў у пенсіянеркі ў даход дзяржавы сістэмны блок персанальнага камп'ютара.
Як рыхтаваўся візіт Ціханоўскай у Кіеў і чаму ён некалькі разоў пераносіўся12
Каментары