На оптыка-механічным заводзе ў Падмаскоўі адбыўся выбух на складзе піратэхнікі
На оптыка-механічным заводзе ў Сергіевым Пасадзе адбыўся выбух, там абвешчаная эвакуацыя, на месца прыбылі сілавікі і кіраўнік акругі, паведамляюць мясцовыя ўлады. Дзясяткі чалавек пацярпелі.
Паводле папярэдняй інфармацыі, у Сергіевым Пасадзе выбухнуў арандаваны ангар з піратэхнікай, паведамляе ТАСС са спасылкай на экстранныя службы.
Паводле «Базы», колькасць пацярпелых у выніку выбуху на складзе з піратэхнікай у Сергіевым Пасадзе павялічылася да 22 чалавек. Пад заваламі яшчэ могуць знаходзіцца людзі.
Выбух быў такой магутнасці, што ў дамах навокал павыляталі шыбы.
Выбух на тэрыторыі завода ў Сергіевым Пасадзе адбыўся праз парушэнне тэхналагічнага працэсу, распавялі агенцтву РИА Новости ў МНС Расіі.
Загорскі оптыка-механічны завод, мяркуючы з інфармацыі на яго сайце, займаецца распрацоўкай і вытворчасцю шырокага спектра прыбораў.
У пераліку прадукцыі — афтальмалагічнае абсталяванне, біноклі, лор-абсталяванне і дэфібрылятары.
Каментары