«Не беларусы нясуць пагрозу, а рэжым і яго памагатыя» — Святлана Ціханоўская пра магчымыя абмежаванні для беларусаў у Літве
На сённяшняй сустрэчы са спікеркай літоўскага Сейма Вікторыяй Чміліце-Нільсэн Святлана Ціханоўская заклікала не ўраўноўваць абмежаванні для беларусаў і расіян.
Ціханоўская адзначыла, што ўраўнаванне абмежаванняў у дачыненні да беларусаў і расіян адно толькі сыграе на руку прапагандзе Лукашэнкі і Пуціна і ўдарыць па звычайных беларусах. Таму яна, прапанаваўшы ўраўнаваць санкцыі супраць рэжыму Лукашэнкі і Пуціна, заклікала надалей захоўваць рознае стаўленне да грамадзян Беларусі і Расіі.
Таксама Ціханоўская звярнула ўвагу на тое, што неабходна захаваць пасажырскія злучэнні, каб беларусы маглі перасякаць мяжу, і каб гэта было ўлічана ў размовах пра закрыццё межаў.
«Ізаляваць трэба рэжым, а не людзей», — адзначыла Святлана Ціханоўская.
«Я ўдзячная спікерцы Чміліце і літоўскаму Сейму за ўзважанае рашэнне ўвесну і я спадзяюся, што гэтае рашэнне застанецца ў сіле.
Я разумею, што сітуацыя мяняецца і рэжым Лукашэнкі становіцца пагрозай для ўсіх нашых суседзяў, але нам неабходна шукаць рашэнні, якія найменш удараць па беларусах, бо гэта будзе толькі на руку дыктатару. Мы будзем размаўляць з усімі партыямі і ўсімі літоўскімі інстытуцыямі, каб данесці сваю пазіцыю.
Нам неабходна захаваць сяброўскія адносіны, як гэта было дагэтуль.
Трэба тлумачыць і літоўскаму грамадству, што не беларусы нясуць пагрозу, а рэжым і яго памагатыя. Гэта дзве розныя рэчы», — заявіла Ціханоўская.
Таксама Ціханоўская і Чміліце-Нільсэн абмеркавалі неабходнасць правядзення шырокай экспертнай дыскусіі пра беларуска-літоўскія адносіны і гістарычную спадчыну.
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака11
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары
О ПРЕСТУПЛЕНИИ
Статья 7. Понятие преступления
Преступлением признается совершенное виновно общественно опасное деяние (действие или бездействие), запрещенное настоящим Кодексом.
Не является преступлением действие или бездействие, хотя формально и содержащее признаки какого-либо деяния, предусмотренного уголовным законом, но в силу малозначительности не представляющее общественной опасности.