Разблакавалі тры ютуб-каналы са Шрайбманам, Сугак і Чарнухам
YouTube разблакаваў тры беларускія каналы — «Гадзіннічак цікае», «Мне таксама не падабаецца» і «Міністэрства сепультуры». Яны трапілі пад блакіроўку 23 жніўня.
Адразу пасля блакіроўкі YouTube пісаў, што каналы недаступныя праз парушэнне аўтарскіх правоў. Журналіст і пісьменнік, аўтар кнігі «Свінні» Аляксандр Чарнуха, які вядзе канал «Міністэрства сепультуры», паведаміў «Нашай Ніве», што прычына блакіроўкі — «чыста тэхнічны момант, нават не звязаны непасрэдна з каналам», страйк на канал не кідалі.
Як атрымалася дамагчыся разблакіроўкі? «Схема простая: пісалі лісты ўвесь гэты час, і ў пэўны момант яно спрацавала», — расказвае Чарнуха.
«Міністэрства сепультуры» — канал, дзе Аляксандр Чарнуха расказвае пра беларускую музыку. Там выходзілі выпускі пра гурты «Касіяпея», «Тройца» і «Топлес», пра сясцёр Груздзевых, Ціму Беларускіх і беларусаў на Еўрабачанні.
Іншыя два каналы — гэта праекты журналісткі і былой рэдактаркі выдання The Village Belarus (якое цяпер не працуе) Яўгеніі Сугак. У «Мне таксама не падабаецца» Яўгенія разам з запрошанымі гасцямі кожны выпуск абмяркоўваюць пэўную тэму: напрыклад, стан беларускага ІТ, вызваленне палітвязняў ці адносіны паміж беларусамі і ўкраінцамі. У іншым праекце, «Гадзіннічак цікае», Сугак разам з Арцёмам Шрайбманам і Рыгорам Астапеняй абмяркоўваюць апошнія падзеі.
«Наша Нiва» — бастыён беларушчыны
ПАДТРЫМАЦЬЗаблакавалі тры ютуб-каналы — са Шрайбманам, Чарнухам і Сугак
«Кунілінгус у кожную хату». Феміністка запусціла брэнд адзення пра сілу беларускіх жанчын
-
Навукоўцы ўпершыню зафіксавалі спарванне леапардавых акул. Аказалася, што ўдзельнічаюць самка і адразу два самцы ВІДЭА
-
Жыхара Івацэвічаў выгналі са школы за тое, што купляў смажанкі
-
Вядучая СТБ каталася на расійскіх нумарах, якія нехта прыляпіў на скотч — і не ведала пра гэта. Цуд растлумачылі ў 102
Цяпер чытаюць
Былы памочнік Лукашэнкі Ігар Брыло прызнаў, што набраў хабараў на $2 мільёны10
Каментары